തിരുവനന്തപുരം: 2026 മാർച്ച് മാസത്തെ ശമ്പളത്തോടൊപ്പം സംസ്ഥാന സർക്കാർ ജീവനക്കാരുടെ ക്ഷാമബത്ത (DA) 35 ശതമാനമായി വർദ്ധിക്കുന്ന സാഹചര്യത്തിൽ, പല ജീവനക്കാരും പുതിയ അഡീഷണൽ സ്റ്റേറ്റ് ലൈഫ് ഇൻഷുറൻസ് (SLI) പോളിസി എടുക്കേണ്ടി വരും. ശമ്പളത്തിൽ നിന്നുള്ള ഡിഡക്ഷനുകൾ സംബന്ധിച്ച് സർക്കാർ പുറത്തിറക്കിയിട്ടുള്ള നിലവിലെ മാനദണ്ഡങ്ങൾ പ്രകാരമാണിത്.
SLI Chart Click Here To Download The Chart
പ്രീമിയം കണക്കാക്കുന്നത് എങ്ങനെ? GO(P) 159/2021/Fin (തീയതി 30/11/2021) സർക്കാർ ഉത്തരവ് പ്രകാരം ജീവനക്കാരുടെ അടിസ്ഥാന ശമ്പളം (Basic Pay), ഗ്രേഡ് പേ (Grade Pay), സ്പെഷ്യൽ പേ (Special Pay), ക്ഷാമബത്ത (DA) എന്നിവ ചേർന്ന ആകെത്തുകയുടെ 1.5 ശതമാനമാണ് കുറഞ്ഞ എസ്.എൽ.ഐ പ്രീമിയമായി അടയ്ക്കേണ്ടത്. (ലഭിക്കുന്ന തുക തൊട്ടടുത്ത 100 രൂപയിലേക്ക് റൗണ്ട് ചെയ്യണം).
മാർച്ചിൽ ഡി.എ 35 ശതമാനമായി ഉയരുമ്പോൾ ഈ ആകെത്തുകയിലും വർദ്ധനവുണ്ടാകും. അതിനാൽ, നിലവിൽ അടച്ചുകൊണ്ടിരിക്കുന്ന പ്രീമിയം തുക പുതിയ കണക്ക് പ്രകാരം തികയാതെ വരുന്നവർ നിർബന്ധമായും ഒരു അഡീഷണൽ പോളിസി കൂടി എടുക്കേണ്ടതാണ്.
ഡി.ഡി.ഒ (DDO) മാർ ശ്രദ്ധിക്കുക മാർച്ച് മാസത്തെ സാലറി പ്രോസസ്സ് ചെയ്യുന്നതിന് മുൻപായി ജീവനക്കാരിൽ നിന്ന് ഈടാക്കുന്ന പ്രതിമാസ പ്രീമിയം തുക ഉത്തരവ് പ്രകാരമുള്ള നിരക്കിൽ തന്നെയാണോ എന്ന് എല്ലാ ഡി.ഡി.ഒ മാരും ഉറപ്പുവരുത്തേണ്ടതാണ്. അല്ലാത്തപക്ഷം, അഡീഷണൽ പോളിസി എടുക്കാൻ ജീവനക്കാർക്ക് നിർദ്ദേശം നൽകണം.
50 വയസ്സ് കഴിഞ്ഞവർക്ക് ഇളവ് പുതിയ മാറ്റം വരുമ്പോഴും 50 വയസ്സിന് മുകളിൽ പ്രായമുള്ള ജീവനക്കാർ പുതിയതായി അഡീഷണൽ എസ്.എൽ.ഐ പോളിസി എടുക്കേണ്ടതില്ല എന്ന് പ്രത്യേകം വ്യക്തമാക്കിയിട്ടുണ്ട്.
സർക്കാർ ജീവനക്കാരുടെ മറ്റ് പ്രധാന ഡിഡക്ഷനുകൾ ഒറ്റനോട്ടത്തിൽ:
GPF (General Provident Fund): അടിസ്ഥാന ശമ്പളത്തിന്റെ (Basic Pay) 6% (പരമാവധി ബേസിക് പേ വരെ അടയ്ക്കാം).
NPS (National Pension System): അടിസ്ഥാന ശമ്പളവും ഡി.എയും ചേർന്ന തുകയുടെ 10%.
GIS (Group Insurance Scheme): ശമ്പള സ്കെയിലിന്റെ അടിസ്ഥാനത്തിൽ പ്രതിമാസം 400 രൂപ മുതൽ പരമാവധി 2000 രൂപ വരെ (ഉദാ: 77200 -140500 സ്കെയിലുള്ളവർക്ക് കുറഞ്ഞ നിരക്ക് 1500 രൂപയും പരമാവധി 2000 രൂപയുമാണ്).
മറ്റ് കിഴിവുകൾ: മെഡിസെപ് (Medisep) പദ്ധതിയിലേക്ക് നിലവിൽ 687 രൂപയും, ജി.പി.എ.ഐ.എസ് (GPAIS) പദ്ധതിയിലേക്ക് 1000 രൂപയുമാണ് പ്രതിമാസം ഈടാക്കുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ